У Крычаве, дзе мае намер балатавацца рэдактар незалежнай газеты “Вольны горад” Сяргей Няроўны, міліцыянты шукаюць кампрамат на сяброў ініцыятыўнай групы і самога кандыдата, апытваюць суседзяў пра штодзённае жыццё актывістаў.

Падчас пікету па зборы подпісаў мінакі падыходзілі да Аляксандра Мілінкевіча, задавалі пытанні на сацыяльныя тэмы, распавядалі пра сваё жыццё.

Актывіст з Горкаў Андрэй Юркоў, якога сёння наведаў Аляксандр Мілінкевіч, сабраў ужо каля 1500 подпісаў, аднак ён адзначыў, што людзей зараз вельмі мала, многія знаходзяцца ў адпачынку, на лецішчы, таму подпісы збіраць цяжка.

На 6 і 7 жніўня запланаваны візіт А.Мілінкевіча ў Віцебскую вобласць.