Аляксандр распавёў, што самастойна на зямлі працуе ўжо пяць гадоў. Ва ўсіх справах абапіраецца на сваю сям’ю. Пчоламі фермер займаецца даўно, прадае іх салодкі ды карысны для здароўя прадукт сябрам і знаёмым. Цяпер яшчэ вырашыў заняцца пладовым садам, які пасадзіў усяго ў кіламетры ад Добрай.

Зямлі папрасіў у мясцовай улады не шмат, каб хапіла сваімі сіламі ўправіцца. Гаспадар спадзяецца, што калі справа пойдзе добра, зможа падкормліваць гараджанаў экалагічна чыстымі “вітамінамі”. Магчыма, некалі пад маркай “Мядовая паляна” ў крамах Горак з’явіцца мёд і садавіна, вырашчаная на роднай зямлі.