Першым крокам да такой стратэгіі стала выданне апісальна-аналітычнага нарысу па эканоміцы Горацкага раёну (гл. раздзел выданні нашага сайту). У кнізе аўтары акрэслілі тыя негатыўныя тэндэнцыі, якія назіраюцца ў лакальнай эканоміцы, сферы жыллёва-камунальнай гаспадаркі, фінансаў. Наступны крок – даць адказы на пастаўленыя пытанні і, фактычна, распрацаваць план ідэяў, у выпадку рэалізацыі якіх Горкі могуць ператварыцца ва ўтульны і сучасны еўрапейскі куток Беларусі. Над кнігай працуюць Аляксандр Каданчык, кандыдат гістарычных навук, дацэнт.Уладзімір Гарбачоў, кандыдат тэхнічных навук, метадыст першай катэгорыі навукова-даследчай лабараторыі “Маніторынгу навучальнага працэсу і якасці падрыхтоўкі спецыялістаў”, дацэнт, Андрэй Юркоў, эканаміст-менеджэр, грамадскі і палітычны дзеяч раёна, Мікалай Юркоў, вучоны аграном-эканаміст, дырэктар СПК “Дрыбінскі” ў 1973–2001 гадах і іншыя.