У Горацкім раёне ўсё яшчэ не стае рабочых рук. Ізноў патрабуюцца людзі, якія хочуць атрымаць працу і заробіць грошы. Якія ж спецыялісты на гэты раз вышукваюцца мясцовымі наймальнікамі?

Сумнавядомы завод напояў хоча займець новага прадаўца квасу, а таксама рабочых на вытворчасць гарчыцы. У СВК “Аўсянка” трэба часовыя людзі на выгрузку гною. Індывідуальны прадпрымальнік Шмерын, які месціць свой бізнес у гандлёвым цэнтры “Малая Еўропа”, шукае сабе прадаўца кандытарскіх вырабаў. Ахвочыя могуць звязацца з наймальнікам праз тэлефон 635 91 04.

Акрамя гэтага праз мясцовы цэнтр занятасці заўсёды можна ўладкавацца на часовую працу: патрабуюцца рабочыя для выканання разавых работаў (перакопка ўчастку, рамонт плота, уборка).