Раённая арганізацыя Беларускага таварыства інвалідаў забяспечыла больш за 160 сваіх сябраў бясплатнай гароднінай. Інваліды атрымалі бульбу, капусту ды моркву агульнай колькасцю каля сямі тонаў.

  У апошні час у Горках падобныя акцыі праводзяцца штогод, а выдзяляе гародніну мясцовае аграгандлёвае прадпрыемства “Горацкае”.
  Паводле словаў кіраўніцы арганізацыі інвалідаў Капіталіны Земляковай, раней харчовую падтрымку для інвалідаў прыходзілася літаральна “выбіваць” з дапамогай райвыканкаму. Але з прыходам на пасаду кіраўніка “Горацкага” Івана Мікуліча сітуацыя змянілася ў лепшы бок – зараз прадпрыемства не толькі выдзяляе гародніну, але і адвозіць яе ў Горкі уласным транспартам.

Паводле інфармацыі belngo.info