Пад супрацоўніцтвам бакі перадусім разумеюць навуковы абмен, магчымасць выкладчыкам БДСГА чытаць лекцыі ў вышэйшай школе аграбізнесу Ломжы, а польскім выкладчыкам – у БДСГА, а таксама абмен моладдзю.

Як паведамляе “Ленінскі шлях”, палякі пазнаёміліся з навучальна-выхаваўчым працэсам БДСГА, сустрэліся са студэнтамі і выкладчыкамі, наведалі СШ №1, мясцовы хлебазавод.

Горад Ломжа месціцца на рацэ Нараў у 140 км ад Варшавы і ў 75 км ад Беластоку. Насельніцтва – 64 тысячы чалавек. Адносіцца да месцаў у Еўропе з захаванымі унікальнымі прыроднымі краявідамі. Прыродаахоўныя тэрыторыі: Ломжынскі парк Даліны Нарвы, Бебжанскі нацыянальны парк, Нарвянскі нацыянальны парк. З’яўляецца важным дарожным вузлом для міжнароднага транспарту (адлегласць ад пераходу у Кузніцы 138 км, у Агародніках – 146 км). Выконвае функцыі эканамічнага і культурнага цэнтру рэгіёну. Афіцыйны сайт гораду http://www.lomza.pl