Нагадаем, ад 17 снежня школьнікі, студэнты і пенсіянеры пазбавяцца ільготаў на праезд. Ад гэтага часу ім давядзецца аплочваць кошт праезду цалкам, які цяпер складае 600 рублёў.

"Еўрарадыё" вырашыла даведацца, ці можна назапасіць ільготных талонаў і ездзіць па іх пасля 17 снежня. Прадстаўнік “Мінсктрансу” Ганна Міхайлоўская паведаміла, што апошні раз скарыстацца ільготным талонам можна будзе 16 снежня. З наступнага дня яны будуць лічыцца несапраўднымі. Нават два льготныя не будуць прыраўноўвацца да аднаго поўнага. “З 17 снежня для нас ужо не існуе ільготных пасажыраў, таму па двух талонах ехаць нельга — няхай пра запас ніхто не купляюць. 16 снежня будзе апошнім днём продажу ільготных талонаў, 17-га ўсе гэтыя талоны будуць ужо не сапраўдныя”, - кажа супрацоўніца Мінсктрансу.

У сувязі з адменай ільгот “Мінсктранс” прагназуе павелічэнне колькасці безбілетнікаў, таму мае намер увесь свой штат выправіць у гэты дзень на працу дзеля барацьбы з “зайцамі”. “Мы чакаем павелічэння колькасці “зайцаў”. У сувязі з гэтым будзем прымаць розныя захады. Мы ўжо распрацавалі графік выхаду на лінію нашых ккантралёраў, прадугледжана дадатковая колькасць выхадаў. Усё гэта для таго, каб праверыць пасажыраў на аплату праезду”, - паведамляе Ганна Міхайлоўская.

charter97.org