Упершыню мясцовыя жыхары былі ўдзельнікамі такой маштабнай рэлігійнай падзеі. Ахвотныя маглі пабачыць здымкі з серыі “Жыццё манастыра” і “Храмы Беларусі”, наведаць экспазіцыі “Беларуская хатка” і “Праваслаўны храм”, паглядзець выставу дзіцячых малюнкаў “Фарбы свету”. Дарэчы, апошняя была падрыхтавана на ХIV Сусветную выставу дзіцячага малюнку, якая пройдзе ў японскім горадзе Канагава.

У межах фестывалю ў лепшай беларускай традыцыі выступаў лялечны тэатр “Батлейка”, прафесійны беларускі мастак Генадзь Сухамлінаў прэзентаваў свой жывапіс, аб’яднаны паэтычнай назвай “Святло Тваёй любові”, а найбольш смелыя і таленавітыя маглі паспрабаваць сябе ў вырабе абразоў і глінянай пластыцы.

Мерапрыемствы былі арганізаваныя па бласлаўленні епіскапа Магілёўскага і Мсціслаўскага Сафронія пры падтрымцы Мсціслаўскага райвыканкаму ды мінскага Свята-Елісавецінскага жаночага манастыра.