Адзін з удзельнікаў і завадатараў падзеі Андрэй Юркоў распавёў, што спіс “найбольш цяжкіх інвалідаў” удалося атрымаць у адной мясцовай грамадскай арганізацыі. Усё астатняе – справа жадання. Разам са сваімі сябрамі сп.Юркоў абышоў за ўчорашні і сённяшні вечар болей за дваццаць кватэраў, дзе зімовыя ўрачыстасці, магчыма, былі не такімі бесклапотнымі, як да гэтага прызвычаілася бальшыня з нас. У кожнай кватэры проста размаўлялі пра жыццё, пра год, які ўжо надышоў, а таксама пра тое, што заўжды знаходзіцца месца на добрыя справы. Дык давайце і мы зробім што-небудзь добрае ў гэтыя дні. Для старой суседкі па пляцоўцы. Да нямоглага на вуліцы. Для сваіх блізкіх, знаёмых і незнаёмых.