Атрад пад кіраўніцтвам Людвіга Звяждоўскага, у складзе якога было каля сарака чалавек, у ноч з 23 на 24 красавіка 1863 года вызваліў Горкі ад улады цара. Падчас бою з расійскімі салдатамі загінуў сябар падпольнага студэнцкага камітэту Войцэх Дамарацкі. Ён быў пахаваны на наступны дзень ў інстытуцкім дэндрапарку, які існуе і зараз.

У Дзень Волі сябры Горацкай кааліцыі дэмакратычных сілаў наведалі магілу, прыбралі смецце і ўсклалі да яе белы і чырвоны гваздзікі.

Паколькі ўсталяваная на магіле пліта знаходзіцца ў вельмі дрэнным стане, актывісты маюць намер звярнуцца да мясцовай улады, каб змяніць пліту ці ўсталяваць на магіле абеліск.