У рамках агульнанацыянальнай дыктоўкі, якую абвясціла беларуская інтэлігенцыя, у нашым горадзе прадмову да “Дудкі беларускай” пісалі маладыя людзі ва ўзросце ад 12 да 17 гадоў, якія жывуць у Горках і Дрыбіне.

У сераду ж, 26 сакавіка, дыктоўку, арганізаваную мясцовымі дэмакратычнымі актывістамі і сябрамі Таварыства беларускай мовы, пісалі дарослыя. Удзельнікі дыктоўкі выказалі падзяку ТБМ за прадастаўленне патрэбнага тэкста.

Праводзіў дыктоўку рэдактар газеты “УзГорак” Эдуард Брокараў. Агулам у дыктоўцы ў Горацкім рэгіёне ўдзел узялі некалькі дзесяткаў чалавек.